佳作 梓官國小 王科崴
指導老師 楊慶瑜
故鄉的形影
雲啊，汝是卜飛去佗？敢會飛過阮的故鄉？
風啊，汝是卜吹到佗？敢會吹過阮的故鄉？
故鄉的形影，迭迭在夢中出現
熱情的日頭，赤映映
曠闊的大海，青綠綠
現流勢的海產，鮮跳跳
續嘴的烏魚子，芳貢貢
慈祥的父母，晟養之恩，永遠囥在阮心頭
瀟灑的兄弟，手足之情，天頂人間常牽連
雲啊~~，汝一定愛飛到阮的故鄉
風啊~~，汝一定愛吹到阮的故鄉
拜託恁，看予斟酌，看予詳細，看阮的故鄉是毋是
親像阮所望，許爾平安、許爾順是
雲啊，風啊，阮等恁的消息，等恁的消息……
返來的時，請會記得，共阮帶回故鄉的消息
TL 漢羅用字修改版
故鄉的形影
雲啊，汝是beh飛去佗？敢會飛過阮的故鄉？
風啊，汝是beh吹到佗？敢會吹過阮的故鄉？
故鄉的形影，tiānn-tiānn在夢中出現
熱情的日頭，赤iānn-iānn
曠闊的大海，青lìn-lìn
現流勢的海產，鮮跳跳
Suà嘴的烏魚子，芳貢貢
慈祥的父母，晟養之恩，永遠囥在阮心頭
瀟灑的兄弟，手足之情，天頂人間常牽連
雲啊~~，汝一定ài飛到阮的故鄉
風啊~~，汝一定ài吹到阮的故鄉
拜託恁，看予斟酌，看予詳細，看阮的故鄉是m̄是
親像阮所望，hiah-nih平安、hiah-nih順序
雲啊，風啊，阮等恁的消息，等恁的消息……
Tńg來的時，請會記得，kā阮tsah回故鄉的消息
(由成功大學台文系 蔣為文副教授協助翻譯，依原稿修訂為漢羅書寫方式，羅馬拼音採教育部公布的台羅拼音方案。)
沒有留言:
張貼留言