2021年1月9日 星期六

B.H 惡魔過境

 


------予親人的Line

來自B.H的惡魔

寄生佇空氣裡

只要相閃身

著想欲竄入人的體內相創治

予你生不如死

變作路傍屍   

 

伊雄介介

來無影   去無蹤

無張無持

共世界揤落暫停KEY”

 

雲恬恬停佇遐

風強欲無氣息

人佮人隔一層無形的帷幕

世界已經變樣相

 

惡魔扭開人佮人的距離

用額溫鎗相借問

At     毋通(m̄  -  thang)

搭肩頭   毋通

相攬     毋通

拱手代替 AI-SIAT-TS(招呼)

 

世界哪會按呢生

喙罨變作生活的半徑

探病靠視訊

培墓踮網路頂

親人嘛煞變生分

 

惡魔佇空氣中揣空揣縫

幽靈四界遊蕩

 

共人間的信任佮善意

拆甲斷半滴

 

透過line

咱阆400公里社交距離

你問我

這段期間過了好否?

我毋知欲按怎回你

日子較苦嘛是愛過

 

佇我淡薄仔失神的時

你領飼()的貓咪

跳上我的電腦桌

全然無顧社交距離

敢是欲佮我親暱

伊悠哉   悠哉

行來行去

 

著佇我躊躇的時

伊踏著字盤 X

留落一逝(tsuā)

XXXXXXXXXXXXXX………..

當伊欲跳開

閤去撥著” Enter” KEY

著按呢……

算作我line回你的訊息……

 

 

        :            

        : 國中台語文教師

 

 

沒有留言:

張貼留言