看 山 (囡仔詩)

 

                 作    者: 吳     正     任

                         現    職: 國中台語文教師

佇(tī/在)平地看山

尾溜插雲入天際

有時頭罩白雪

有時身披薄紗(se)

阮心內定佇想

有一工阮一定欲跁(peh)起去探詳細

 

佇山腰看山

雲佇身邊踅(se̍h)

鳥仔佇頭殼頂飛

明明佇山裡

我猶閣咧揣(tshuē)

山   妳是宓佇佗?

 

佇山頂看山

樹仔蓊蓊(ōom-ōom)疏疏

山崚懸懸低低

看溪河彎彎流入海

路若蜘蛛網迵(thàng)四界

 

啊!美麗山脈

我予你的英雄氣慨

深深著迷

相信    千年萬年

你攏會徛佇遐

守(tsiú)護咱的家(ke)

 

 

Khuànn     suann  (臺羅版)

 

Tī   pênn   tē   khuànn   suann

Bué   liu   tshah   hûn   ji̍p   thinn   tsè

Ū   sî   thâu   tà   pe̍h   seh

Ū   sî   sin   phi   po̍h   se

Guán   sim   lāi   tiānn   tī   siūnn

Ū   tsi̍t  kang  guán  it  tīng  beh  khit  khì  thàm  siōng  sè

 

Tī   suann   io   khuànn   suann

Hûn   tī   sin   pinn   se̍h

Tsiáu   à   tī   thâu   khak    tíng   pue    

Bîng   Bing   tī   suann   lì

Guán   iah    koh   leh   tshuē 

Suann !      Lí   sī   bih   tī   tuē 

 

Tī   suann   tíng   khuànn   suann

Tshiū   á   ōom   ōom   se   se

Suann   lîng   kuân   kuân   kē   kē

Khuànn   khe   hô   uan   uan   lâu   ji̍p   hái

Lōo   ná   ti  -   tu  -  bāng   thàng   sì   kè

 

Ah !    Bí   lē   suann   me̍h  

Guá   hōo   lí   ê   ing   hiông   khì   khài

Tshim   tshim   tio̍h   bê

Siong   sìn     tshian   nî   bān   nî

Lí   lóng   ē   khiā   tī   hia 

Tsiú   hōo   lán   ê   ke